Contact Lens Easy (CLE) 作為一家位於香港嘅隱形眼鏡專門店，除咗專門提供各類隱形眼鏡嘅網購服務與驗配指南，於2021年更推出了「CON殼環保回收計劃」，旨在處理一般環保回收箱不接受嘅隱形眼鏡包裝，並將其轉化為新產品。

CUTA HK 係香港少數嘅手工眼鏡工作坊品牌，將「高科技切割」同「傳統手作」結合埋一齊。由切割、細磨到拋光，每一步都係由導師同匠人親手完成。呢種對細節同美學嘅追求，除咗想拉近大家同手作眼鏡文化嘅距離，亦都想話畀大家知，現代嘅「CNC 智能生產」其實可以好有溫度。

今次我哋聯同 CUTA HK 得到 Contact Lens Easy (CLE) 嘅邀請合作，可以話係由單純嘅「眼鏡製造」跨進一步，變成一種「未來綠色生活體驗」。將再生塑膠板材，先用數控切割機 (CNC) 做精準切割，之後再經過鑽孔、釘絞、打磨、拋光到校正等一連串繁複嘅工序，成功製造一副「有靈魂」嘅手工眼鏡。