今次嘅項目我哋設計團隊花咗唔少心思，將科技、藝術同埋環保融合！將復活蛋同鳥巢嘅形象簡化成俐落嘅線條，精準切割所需形狀嘅木材，打造出整個裝置嘅結構。

喺復活蛋同鳥巢結構上面，掛滿咗用零碳天地回收嘅約500 個膠樽作為原材料，利用 3D Printing 技術製作出嚟嘅復活蛋。呢啲復活蛋再交由超過百個學生親手畫上彩繪裝飾，每一隻復活蛋都充滿童真同活力嘅可愛圖案！

成個作品都係由可再生物料組裝而成，完成展覽後可以分類妥善回收達至零浪費，實踐咗零碳環保理念。希望透過呢件復活節裝置藝術，向大家具體展現出再生塑膠嘅可能性，以及回收廢棄物轉化為教育與藝術的可能。