信和集團「GoCircular」企劃聯合旗下 140 個屋苑同寫字樓，主力推廣「減廢、重用、回收」。現場仲有好多社企、綠色科技夥伴同埋設計師一齊參與，想大家玩住咁學識點樣將「環保」帶入生活，推廣循環經濟。

我哋今次好開心受邀可以參與其中，作為首次擺市集嘅我哋，特別喺攤檔放咗最新推出嘅永續飾品，仲有其他重新設計嘅升級再造產品。想睇實物嘅朋友，快啲嚟現場搵我哋啦！