綠『惜』環保約章 EcoChampion Pledge 計劃匯聚咗多間唔同嘅商業合作夥伴進行知識交流，專注節能、減廢回收同綠色採購，探索環保同商業嘅並行發展，希望推廣綠色生活理念。

喺今次嘅計劃入面，主辦單位邀請我哋設計同製作以回收塑膠升級再造嘅獎座。我哋喺獎座入面運用咗物流包裝常見嘅綠色捆膜，混合本地回收嘅2號HDPE塑膠，製作出獎座上面嘅綠色鵝卵石形狀再生膠板。