香港科技大學 The Sustainability/Net‑Zero Office 致力將校園變成一個淨零碳、零廢棄嘅「生活實驗室」，希望透過體驗式學習同實踐方案，建立一個更有活力嘅綠色社區。

今次嘅設計嘗試將戶外座椅同牛奶箱結合，創造兼具坐、臥同儲物功能嘅多用途裝置，可以喺各種校園活動靈活應用。為咗提升耐用性同承重力，我哋將箱體材質由傳統塑膠改為鋁金屬，令牛奶箱整體更加穩固；面板就用咗由回收塑膠升級改造成嘅再生塑膠版材，透過CUTA 嘅專業CNC 技術加工成合適嘅尺寸，呈現再生塑膠嘅豐富色彩同細緻紋理。