賽馬會「拾塑行動」教育計劃獲得香港賽馬會慈善信託基金嘅支持，由香港海洋公園主辦以及潔淨水域行動（CWI）協辦，希望香港大眾及學生了解海洋垃圾問題同微塑膠對環境嘅影響。

為咗配合活動，主辦單位邀請咗我哋設計同製作以回收塑膠升級再造嘅訂製獎座。喺今次嘅創作入面，我哋用咗常見於物流包裝嘅藍色捆膜，混合本地回收嘅白色塑膠，製作出獎座上面嘅膠板。薄薄嘅藍色捆膜加熱熔化後形成嘅紋理同海浪非常相似，完美呼應活動主題。