多謝 M Moser Associates 邀請我哋為一間跨國金融機構嘅香港辦公室提供本地升級再造嘅藝術品，將本地嘅廢棄塑膠轉化做漸變拼貼裝置藝術。

我哋收集咗不同嘅廢棄塑膠，例如外賣餐盒或者豆漿樽，加工處理成為淺棕大地色系嘅材料，再以不同嘅比例混合，呈現出漸變層次嘅馬賽克拼貼，為辦公空間營造出一份溫和、自然嘅氣氛。今次嘅項目成功令 10公斤嘅廢棄塑膠免於岀現喺堆填區嘅命運。

對比使用全新嘅建材，呢款再生材料可以顯著減少碳排放。最重要嘅係，裝置本身貫徹咗「循環經濟」嘅閉環原則 —— 喺未來辦公室搬遷或者翻新嗰陣，可以 100% 再次回收同埋重新投入生產線，真正做到零廢棄。

呢個裝置藝術項目唔單止可以寫入企業嘅 ESG 年度報告入面，全面提升公司嘅綠色企業形象，仲可以實踐企業社會責任（CSR），符合回饋社會嘅理念同公益活動。