喺今次嘅工作坊入面，參加者可以選擇使用我哋預先準備好嘅再生塑膠片，或是將自己帶來嘅膠袋，用熨斗加熱加壓，將其壓成薄薄嘅塑膠片。其後再用小型刀模機，利用鋼刀模具施加壓力，將呢啲膠片裁切成特定形狀。最後，用顏色筆為作品畫上裝飾，發揮大家嘅創意，令每件聖誕樹吊飾都獨一無二。