近年隨著沙頭角禁區逐步開放，吸引了不少遊客到訪，令社區對廢物管理嘅需求日益增加。賽馬會『環』遊八角回收及生態旅遊教育計劃 @jcstkeco8，作為統籌沙頭角及鄰近村落回收工作嘅樞紐，全面提升沙頭角一帶嘅廢物分類同回收效率。

教育計劃希望透過導賞團、工作坊及村落外展活動，鼓勵居民從源頭減廢。透過加強環境教育，帶動大眾積極參與回收，減少區內整體廢物量。

今次我哋好榮幸受到邀請同鄉郊藝術家阿史合作舉辦「海不廢·御守壓膠工作坊」。將呢啲曾經係海洋負擔嘅塑膠廢棄物打成碎片，經過重新注塑、打磨與加工，賦予佢哋「第二次生命」。

唔同顏色嘅御守，都承載住獨特嘅象徵寓意：藍色代表安全／平和，綠色代表健康／成長，而白色就代表新開始／目標達成。呢啲升級再造嘅御守，唔單止係廢物利用，仲承載住參加者嘅心意同祝福。

每一個升級再造嘅御守，喺完成之後都會掛喺裝置藝術上面，象徵住我哋對環境保護嘅承諾，以及對永續發展堅定不移嘅信念。