塑新生 New Life Plastics @newlifeplasticsltd 一直致力提供可持續塑膠廢物解決方案，希望將塑膠垃圾轉化為有用資源，重造成再生膠樽，促進香港膠樽循環經濟。

最近塑新生 New Life Plastics 開放公眾參觀團，講解回收工廠嘅日常運作，仲邀請咗我哋為參觀團舉辦升級再造串珠工作坊。

工作坊入面，我哋團隊向參加者講解塑膠分類知識，講解我哋點樣利用注塑技術，將塑新生嘅回收塑膠樽蓋轉化為枱面上一粒粒色彩鮮艷、花紋獨特嘅再生塑膠串珠。參加者可以親手將再生塑膠串珠，串成精緻嘅手機吊飾，享受創作樂趣。

透過今次嘅合作，為大眾提供參觀回收工廠嘅機會，同時結合升級再造工作坊互動體驗，令大眾明白回收重要性，培養環保意識。