多謝聖雅各福群會 St. James’ Settlement 邀請我哋提供一系列升級再造注塑及串珠工作坊俾 8 間不同學校嘅 STEM Programme。

我哋會由淺入深講解回收塑膠背後嘅處理同加工流程，等大家了解塑膠回收嘅重要性。參加嘅同學可以體驗人力碎膠單車，感受破碎回收塑膠嘅過程，仲會即場將塑膠碎片熔化，透過注塑技術升級再造成唔同嘅物品。除咗技術體驗，同學仲可以親手組合一串由再生塑膠整成嘅字母掛飾，不僅能暫時遠離課業，專注於手工藝更能帶來心理健康上嘅療癒，釋放多巴胺，讓同學們感受樂趣。